5. STOFNUN MIH OG STOFNFÉLAGAR
Stofnfundur Meistarafélags iðnaðarmanna Hafnarfirði var haldinn 13. janúar 1968 að loknu starfi undirbúningsnefnda sveina og meistara innan Iðnaðarmannafélagsins eins og áður greinir. Fundarefnið var formleg stofnun félagsins, samþykkt laga og kosning stjórnar. Fundurinn var fjölsóttur eins og sést best á stofnfélagaskrá hér að neðan en stofnfélagar Meistarafélags iðnaðarmanna voru eftirtaldir í þeirri röð sem stofnfélagarnir 120 eru skráðir í fundagerðabók félagsins:
| Pétur Auðunsson Sigurður Kristinsson Hermann Sigurðsson Þorkell Júlíusson Hilmar Þorbjörnsson Hermann Ólafsson Aðalsteinn Egilsson Júlíus Júlíusson Sigurjón Guðmundsson Sigurbjörn Kristinsson Bjarni Ólafsson Gunnar E. Bjarnason Jón Kr. Jóhannesson Jónas Hallgrímsson Sigurður Arnórsson Gísli Guðmundsson Jón E. Guðmundsson Finnbogi Hallsson Hermann Sigurðsson Hlöðver Pálsson Vigfús Sigurðsson Guðmundur Þorleifsson Jón Guðmundsson Guðni Steingrímsson Guðmundur Lárusson Bergur Jónsson Guðjón Davíðsson Harry Sönderskov Jón Þorvaldsson Hjálmar Ingimundarson |
Jósef Benediktsson Aðalsteinn Sigurðsson Sverrir Þ. Magnússon Benedikt Kjartansson Andrés Gunnarsson Halldór Pálsson Jóhann G. Ólafsson Sigurbjörn Ágústsson Einar Þ. Jónsson Óli Kristjánsson Gunnar G. Davíðsson Stefán Rafn Þórðarson Þorvaldur Sigurðsson Kristinn Guðfinnsson Benedikt Einarsson Víglundur Guðmunds. Sigurður Pétursson Helgi Enoksson Jóhann D. Baldvinsson Jóhann Ólafur Jónsson Ólafur Pálsson Steinn Tryggvason Arngrímur Guðjónsson Þórður Sigurðsson Kristinn Jóhannsson Magnús St. Magnússon Einar S. Elíasson Guðmundur Jónsson Ragnar Hjálmarsson Samúel V. Jónsson |
Óskar Ágústsson Hálfdán H. Þorgeirsson Steingrímur Benedikts. Hörður Þórarinsson Beinteinn Sigurðsson Ríkharður Magnússon Egill Jónsson Ísleifur E. Árnason Sigurður L. Árnason Halldór Guðmundsson Jón Fr. Jónsson Jón Gunnar Jóhannsson Hans P.S. Andresson Sigurjón Jónsson Sigurður Guðjónsson Sigurvin Snæbjörnsson Garðar S. Hannesson Grétar Sveinsson Þórður Benediktsson Guðjón J. Jensson Jón M. Bjarnason Jón Einarsson Knútur Kristjánsson Sigurbjartur Vilhjálms. Skúli Bjarnason Garðar Finnbogason Tryggvi Ingvarsson Ingólfur J. Stefánsson Kristján Jónsson Einar Sigurðson |
Jes Ág. Jónsson Jóhann Lárusson Ámundi Eyjólfsson Þórólfur Þorgrímsson Gunnlaugur Þorfinnsson Kristmundur Georgsson Ing. Þórhallsson Sigurður Sigurjónsson Bergur Hjartarson Garðar Halldórsson Kristján Sveinsson Eyþór Júlíusson Jón Hansson Sævar Gunnlaugsson Tryggvi Stefánsson Björgvin E. Gíslason Þorvarður Magnússon Finnbogi S. Guðmundsson Geir Oddsson Njáll Haraldsson Úlfar Haraldsson Guðbjörn Guðbergsson Geir Þorsteinsson Trausti Ó. Lárusson Bjarni Björnsson Guðbjartur Benediktsson Gísli Sveinbergsson Sigurður Guðlaugsson |
Stefán Rafn Þórðarson
Fyrstu stjórn félagsins skipuðu þeir Stefán Rafn Þórðarson, formaður; Jón H. Sveinsson, ritari; Garðar Halldórsson, gjaldkeri, Gísli Guðmundsson, varaformaður og Sigurður Kristinsson, vararitari. Varastjórn skipuðu Jón M. Bjarnason, Guðni Steingrímsson og Kristján Jónsson. Fyrstu stjórnarmenn Meistarafélagsins höfðu öðlast mikilvæga reynslu í félagsstörfum fyrir Iðnaðarmannafélagið um lengri eða skemmri tíma og voru því vel undir það búnir að takast á við fjölbreytileg stjórnarstörf á nýjum og breyttum vettvangi. Kom það sér vel að hafa skólaða forystu í félagsmálum, því mörg brýn úrlausnarefni biðu í hinu breytta landslagi iðnaðarmanna í Hafnarfirði. Ef bornar eru saman stofnfélagaskrár MIH og FBH er athyglisvert að sjá að nokkur nöfn eru á báðum stöðum. Líklega skýrist þetta af því að í röðum iðnaðarmanna hafa ávallt verið svonefndir „einyrkjar“ eða einstaklingar sem starfa einir og hafa ekki starfsmenn á launaskrá og sennilega hafa bæði félög á þessum tíma viljað að þessir iðnaðarmenn væru í þeirra hópi. Um þetta var deilt og FBH deildi á Meistarafélagið fyrir að hafa tekið inn í félag sitt iðnaðarmenn sem væru einfaldlega launamenn og ættu þess vegna klárlega að vera í FBH. Við stofnun MIH voru fulltrúar eftirtalinna iðngreina meðal stofnfélaga: blikksmiðir, dúklagningamenn, húsasmiðir, húsgagnasmiðir, múarar, málarar, pípulagningamenn og rafvirkjar. Við stofnun landssamtaka rafvirkja annars vegar og blikksmiða hins vegar fluttu hafnfirskir rafvirkjar og blikksmiðir þangað. Eins og áður hefur komið fram höfðu hafnfirskir járniðnaðarmenn gengið í reykvísk stéttarfélög áður en til stofnunar MIH og FBH kom.
Allt frá stofnun MIH hefur fjöldi félaga að jafnaði verið á bilinu 120–150 manns og sveiflast lítillega á milli ára en flestir urðu þeir 161 í lok góðærisins svonefnda árið 2007. Á árunum eftir hrun fækkaði á tveimur árum um 17 félaga í MIH. Árlega voru einhverjar hreyfingar á félögum í MIH, sótt var um inngöngu sem stjórn þurfti að samþykkja og mæla með viðkomandi á aðalfundi eða að félagar sögðu sig úr félaginu af einhverjum ástæðum. Á afmælisári MIH eru félagar 144 talsins.
Því verður varla í móti mælt að hæfir menn völdust til forystu í MIH í upphafi, sem leiddu og mótuðu starf félagsins á fyrstu starfsárum þess. Á enga er hallað þótt nefndir séu sérstaklega þeir Ólafur Pálsson, Sigurður Kristinsson og Stefán Rafn Þórðarson, sem gegndi formennsku í félaginu með hléum í um 15–20 ára skeið. Ólafur Pálsson var framkvæmdastjóri félagsins í hartnær tvo áratugi og formaður um skeið og enn áður formaður Iðnaðarmannafélagsins. Að auki var Sigurður Kristinsson, stjórnarmaður í MIH á fyrstu árum, ötull forystumaður Landssambands iðnaðarmanna um langa hríð. Allir höfðu þessir menn þjálfast og skólast í félagsstörfum undir merkjum Iðnaðarmannafélags Hafnarfjarðar. Um þetta segir Ólafur Pálsson:
„Sá grunnur sem byggt var á var sú reynsla sem menn höfðu fengið í störfum fyrir Iðnaðar-mannafélagið. Það höfðu allir verið virkir í félagsstörfum þar og öðlast því verulegan félagsþroska. Þeir komu því vel undir búnir til starfa í Meistarafélaginu. Ég held að það hafi gert gæfumuninn.“
Landssamband iðnaðarmanna sem að nokkru varð til upp úr Meistarafélagi byggingarmanna naut
krafta þessara þroskuðu félagsmálamanna úr Meistarafélagi iðnaðarmanna í Hafnarfirði. Sigurður
var þar í forystu um árabil og þeir Stefán Rafn og Ólafur ásamt fleiri félögum úr MIH voru virkir í starfi sambandsins.